====== Ŝipestro Tabako ======

^Muziko\Teksto|[[L. DEIJ]] kaj [[Nanne KALMA]]|
^Kantas|[[Kajto]]|

===== Teksto ======

Tuttage kalfatri kaj sxmiri kaj sxnuri
Sxipestro Tabako postulas obstinon
Sed albordigxinte ne scios plezuri
Kaj ankaux ni kunplezurigos frauxlinon
"Permeson? Pro kio? Sep sakoj da vento!
Tagnokton, Ne pli!" Jen la sakra konsento
Kaj kredu ne kredu, sed gxis la templimo
Ni estas sekvataj de lia animo

Gxi grumblas el rompita rumbotelo
El la deliro de maristebrio
Avertas nin sur sojlo de bordelo
Kaj vokas nin per vocxo ventokria
"Sur la sxipon! Cxiel' kaj cxiomo
Hisu la velojn kaj for de Sodomo!"

Kaj kaim ni sentas subplande ferdekon
Ni miras ke povis ni spiri fetoron
De brando kaj fum', cxar ni sxatas la peklon
Ni sxatas la pezan muskolan laboron
La dormon profunden en lula hamako
Ni sxatas la tondrojn de nia Tabako
Cxar kredu ne kredu, sed gxis la marlimo
Ni levas la ardo de lia animo

Amiko en senvent' kaj uragano
Kaj patro dum soifo kaj skorbuto
Sed en plezurkvartalo - puritano
Tabak' sin fermas for en la kajuto
"Forpermeson? Mil rapoj el pomo!"
Tamen li donas - Tabako - la homo!
{{tag>litero_sx kanto}}