====== Tempo ======
//Teksto kaj muziko de [[Andrej OBREZKOV]]//

===== Teksto =====
Tempo kuras, tempo pasas,
Tempo punas, temp' kuracas;
Tempo regas la mondon.
Tempo mankas, temp' abundas,
Tempo rampas, tempo kulpas;
Egaligas junan kaj oldan.

//Refreno://
>Estas tempo por vivo,
>Estas tempo por morto,
>Estas tempo por krioj,
>Estas tempo por vortoj.

Vivo estas la servanto
De la tempo senkompata;
Gxin ne tusxas la sentoj.
Povas esti vi tre ricxa,
Aux povrulo malfelicxa -
Cxiujn la samo atendas.

//Refreno://
>Estas tempo por amo,
>Estas tempo por floroj,
>Estas tempo por famo,
>Estas tempo por ploroj.

Cxu do estas la bezono
Por kvereloj kaj malbono;
Ja por cxiuj samas premio.
Vivo estas nur momento,
Gxi urgxigas trovi sencon
En ekzisto nia...

//Refreno://
>Estas tempo por preni,
>Estas tempo por doni,
>Estas tempo kompreni,
>Estas tempo pardoni.
{{tag>litero_t kanto}}