====== Tra l' tuta nokt' ======

^Teksto / Muziko|tradicia|
^E-teksto|[[wpeo>W. MAYNARD]] kaj [[wpeo>Agnes B. DEANS]]|
^Origina titolo|Ar hyd y nos|
^MIDI|{{:muziko:tra_l_tuta_nokt.mid}}|


Anonima kimra lulkanto, melodio tradicia.

Angla teksto: Sleep, my child, and peace attend thee
Ekzistas diversaj (plejparte anonimaj) angligoj/parafrazoj
Esperante parafrazis : [[W. MAYNARD]] kaj [[Agnes B. DEANS]]

Fontoj:
* Kantfesto I (KEA)- cxiuj tri strofoj;
* Adoru, ekumena Diserva libro, la plej nova, plej granda, plej bona Esperanta himnaro, eld. IKUE/KELI 2001, 170 (el Verda Trobadoro, 1986) - du lastaj strofoj, kiel vespera himneto "Ne timetu, kara mia"


===== Teksto =====
{{ :muziknotoj:tra_l_tuta_nokt.png}}


Dormu, beb', kaj pac' atendos, tra l' tuta nokt';
Gard-angxelojn dormo sendos tra l' tuta nokt';
Mole lacaj horoj lantas; mont' kaj valo dormon plantas,
Ame, garde mi konstantas tra l' tuta nokt'.

Ne timetu, kara mia, tra l' tuta nokt';
Paca restu koro via, tra l' tuta nokt';
Gxojo en mateno venos, ree vin espero benos,
Ecx se dormon songxoj gxenos tra l' tuta nokt'.

Vin angxeloj prizorgados, tra l' tuta nokt';
Liton vian cxirkauxados tra l' tuta nokt';
Ili vin per amo dia gardos de dangxero cxia;
Dolcxa estu dormo via tra l' tuta nokt'.

===== Eksteraj ligoj =====
La melodio en midi-formato trovigxas tie:
* http://www.geocities.com/lilandr/kantoj/lule/DormuBeb1.htm, kaj tie:
* http://www.geocities.com/cigneto/thctxt/n/netimetuk1.html

{{tag>kanto litero_t lulkanto kimra popola notoj midi akordoj}}