====== Trankvil' kaj paco ======

^Teksto|[[Handrij ZEJLER]]|
^E-teksto|[[Eduard WERNER]]|

===== Teksto =====

Trankvil' kaj paco nin karesas,
aer' ekmalvarmiĝas nun;
herbejmovet' sub roso ĉesas,
kaj stelojn kunvenigas lun'.

>Krist', nia Di', nin gardas vi,
>en hejm', vilaĝ' trankvilas ni.

Trankvilon, pacon ĝuas laca
sub gastiganta tegmentet',
rigardas al ĉielo paca
vespere kun elkora pet':

>Krist', nia Di', nin gardas vi,
>en hejm', vilaĝ' trankvilas ni.

Trankvilo por vi, karaj montoj
kaj valoj, kampoj, ebenar',
Ne dormas la eternregonto,
ekbrilas jam la stela mar'.

>Krist', nia Di', nin gardas vi,
>en hejm', vilaĝ' trankvilas ni.

{{tag>kanto litero_t soraba religio}}