====== Tri Stratoj ======
//W. Auld & N. Kalma//
//Kantas [[Kajto]]//

===== Teksto =====

Cxe Strato de l'Foko mi trovis knabinon
Mi trovis knabinon cxe Strato de l'Fok'
Kaj min sxi brakumis kaj premis sur sinon
Kaj tiel la fisxon trapikis la hok'
Ej-la! Ej-la! fisxo kaptita
Ej-la! Ej-la! turnigxu kapstan'
Virin' estas bela, virin estas spita
Maristo edzigxas laux vol' de Satan'

Cxe Strato de l'Vento mi trovis tavernon
Mi trovis tavernon cxe Strato de l'Vent'
Mi versis cisternon en mian internon
Por kio krom tio valoras argxent'
Ej-la! Ej-la! drinku abunde
Ej-la! Ej-la! turnigxu kapstan'
Ja drinku dimancxe, soifos vi lunde
Kaj rumon ne donos al vi kapitan'

Cxe Strato de l'Jaro mi trovis postenon
Mi trovis postenon cxe Strato de l'Jar'
Post unu monato mi nuptis sirenon
Tre baldaux denove mi velis sur mar'
Ej-la! Ej-la! kara sireno
Ej-la! Ej-la! turnigxu kapstan'
Sur maro mi havas malpli da cxagreno
Tro pika la lango, tro peza la man'
{{tag>litero_t kanto}}