====== Tuj kison de vi ======

^Muziko|[[Gijom' ARMIDE]]|
^Esperanta teksto|[[Gijom' ARMIDE]]|

===== Teksto =====

Vi kiun mi vane provas envulti
Vi kiu ververe igas stulti
Vagi pretervoje, vinaĉojn engluti
Ve ĉu vi tute ne vi-
-Das mian amon por vi?
Ĉu vi?

Mi ĉiumomente miras pro l' miraĝ'
De la mildaspekto de via vizaĝ'
Ama mieno malbenita avantaĝ'
Movu la manon al mi
Se vi ne estas nur mi-
-stikaĵ'!

//Rekantaĵo://
>Mi bezonas gajni viajn rigardojn
>Atentu, ke ili de mi ne deviu
>Mi bezonas fali en vian varmon
>Mi volas tuj kison de vi
>Huhu!

Ni neniam plu serĉadus la nordon
Se vi volus blovi la ĝustan vorton
De l' malvarmo mi ne plu sentus la mordon
Ĉu ni do spertos neni-
-El iom da harmoni'
Ĉu ni?

Rekantaĵo

===== Eksteraj ligoj =====

* https://eo.wikisource.org/wiki/Tuj_kison_de_vi
* https://commons.wikimedia.org/w/index.php?title=File%3A03_Tuj_kison_de_vi.wav

{{tag>kanto esperanto litero_t}}