====== Unu kison ======

^Esperanta teksto|[[W. M. PAGE]]|
^Tipo|traduko|
^Originala titolo|Ae Fond Kiss|
^Originala teksto|[[Rob. BURNS]]|

===== Teksto =====


Unu kison! Ve, por cxiam!
Mi revenos plu neniam!
Unu kison! kaj irante
mi vin tostos ploradante.
Kiu pri la sorto plendas
se l' esperostel' atendas?
Sed al mia malespero
ne vizitas ecx brilero.

Min pri Nan mi ne kulpigas,
tiel amon sxi instigas,
ke, vidinte sxin, de tiam
enamigxis mi por cxiam.
Se ne amus ni plenkore,
Se ne amus blindfervore,
ne kunigxus, ne disigxus,
niaj koroj ne rompigxus.

Ve, adiaux! plej karega!
Ve, adiaux! plej cxarmega!
Por vi estu sen mezuro
paco, amo, kaj plezuro!
Unu kison! ve por cxiam!
Mi revenos plu neniam!
Unu kison! kaj irante,
tostos mi al vi plorante.


{{tag>kanto litero_u angla skota}}