====== Verda Ĉapo ======
//Kantas [[Gxanfranko Gxulio]]//

===== Teksto =====

Estis foje Cxapo Verda,
bona knabo, multe lerta,
diligenta novlernanto
de la lingvo Esperanto.

Dum li iras al la grupo
renkontigxas kun la lupo
dejxoranto sub servuto
de la Brita Instituto,

por la svingo kaj la lek'
de la flago "junjon-gxek"!
Kun oksforda tono diras
la lupeg': "vi kien iras?"

"Al la kurs' konversacia
de la lingv' internacia,
kaj neuxtrala kaj facila,
por la tuta mond' utila!"

- tuj respondas Cxapuleto
kun en man' verda libreto;
kaj, gxentile salutante,
al la klub' ekiras lante.

Sed la lupo pli rapide
gxin atingas, kaj perfide
ruze trompas l' instruiston,
kiu perdas la ekziston

formangxita unuglute
de la lupo, kiu tute
tuj kamuflas sin simile,
kaj atendas tre trankvile.

Tok! Tok! Venas Cxapo frape,
kaj li haltas mire, gape...
"Kiel grandaj la okuloj!"
"Por kontrolo de l' reguloj."

- diras lupo sen sxanceloj.
"Kiel grandaj la oreloj!"
- Verda Cxap' insiste provas.
"Tiel auxdi bone povas

mi pri kaz' akuzativa."
Verda Cxapo plu naiva:
"Kial estas busx' enorma,
kiel granda pordo forna!"

"Por vin mangxi ja pli bone!"
Kaj la lupo, senpardone,
salte kaptas Verdan Cxapon,
mangxas korpon, mangxas kapon.

Lin englutas dumminute,
lin kruele voras tute,
sxiras, macxas lin kun krako,
gxis plenigxo de l' stomako.

Kaj post tiu entrepreno,
la lupeg', sen ia gxeno,
vivis longe dumjarcente,
tre felicxe kaj kontente.
{{tag>litero_v kanto}}