====== Verda ĝardeno ======

^E-teksto|[[wpeo>Mikaelo_Bronŝtejn|Mikaelo Bronsxtein]]|


===== Teksto =====


— Cxu vi bluan birdon kaptadis per manoj?
— Jen tiel laboris unuaj SEJM-anoj.
Sed venis al ili amasa subteno,
Do, fine aperis la verda gxardeno.
Kaj venis decido, logike. natura:
Sovaga gxarden' devas esti kultura!

//Refreno://
>Jen, en verda gxarden',
Ni sidas, ni multas, ni cxiuj auxskultas,
Ni cxiuj auxskultas.

La tuta gxarden' informigxis detale:
Sovagxe, sed kurte kaj tre aktuale.
Sed jen — kulturig' kun segil' absoluta.
— Vi fartas tro ricxe! — aperis konkludo, —
Kulturo postulas modestan sintenon!
…Nun iu kaj iam ricevas Bultenon.

//Refreno//

Jen estis promes': — Dum kondicxoj kulturaj
Abundos por ni eksterlandaj veturoj!
Kaj estis korekto: — Por fari impreson
Nur homoj konsciaj veturos Kongreson!
— Sovagxa gxardeno, do — mankas konscio…
Cxu iu veturis el vasta Rusio?

//Refreno//

Jen estis konata amik' Anatolo,
Li SEJM-on donacis al verda popolo.
Ni pensis: — Aperis martel' por amboso,
Cxar jam Anatolo eklogxis en Moskvo.
Sed tuj kulturigas aer' metropola, —
Kaj perdis la vocxon amik' Anatolo.

//Refreno//

Jen estis Viktoro, amiko sincera,
Li sucxis la mamon dum SEJM-a apero,
Sed kreskis rapide, cxar havis racion:
Prezidis, redaktis, ecx gvidis sekcion!
Sed jen - kulturigo kun sperta toporo...
— Hej, kie vi estas, amiko Viktoro?

//Refreno//

Kaj nun la gxarden' por rigardo ekstera
Jam estas entute alia afero:
Nun oni nin kombas, edukas kaj razas,
Instruas, insultas, — ecx tio okazas.
Kaj ni nur diskutas kun la pacienco:
Cxu estas la fino, aux dauxras komenco…

//Refreno://
>Jen, en verda gxarden'.
Ni sidas kaj sidas, kaj sidas, kaj sidas —
Nenien rapidas.


{{tag>kanto litero_v esperanto }}