====== Vesperoj en tendaro ======

^Teksto|[[Valentin Melnikov]]|
^Muziko|[[Mihxail Povorin]]|

===== Teksto =====
Forpasis griza tago hierauxa, 
Jam por somero venis la kulmin'. 
De l' interkona gxis la adiauxa – 
Vesperoj en tendaro logas nin.

Kaj tial pro aspiro senevita 
Da geamikoj venas preskaux mil' 
Al certa lok', je tago difinita 
Laux la indiko de la informil'.

De l' stacidomo – tramo, poste buso, 
Kaj poste – voj' pieda preter lag'. 
Jam sun subiras, flamas kumuluso – 
Jen vesperigxas la unua tag'.

Vesper' tendara – gxuo senkompara: 
Nin ravas cxio – kisoj en malhel', 
Tenera vocx' kaj milda son' gitara, 
Kaj sxajne verdas steloj en cxiel'.

Ni sidas dense, sidas man-en-mane, 
Kaj en dometo varmas ecx sen hejt'. 
Do, cxiu nun komprenas, ke ne vane 
Kunvenis geamikoj en OkSEJT((OkSEJT - Okcidenta Sovetia junulara esperantista tendaro)).

Dek tagoj flugos, kvazaux unu horo, 
Plektigxos manoj en amika rond'. 
Fabelon verdan tenu en memoro... 
Do, gxis revido iam en estont'!

{{tag>kanto litero_v esperanto}}