====== Vi devas ja kredi ======

^Muziko|[[E. Windeballe]]|
^Esperanta teksto|[[Teo Jung]]|
^Esperanta plenumo|[[Nomo FAMILINOMO]]|

===== Teksto =====

Cxu tentas vin dubo,
turmentas inkubo
pro tasko la nia giganta?
Vi devas ja kredi,
neniam ekcedi
al penso malsupren tiranta.

Miljara la muro
per sola ekkuro
ne rompe diskrevas ruine.
Per longa nur lukto
ekfalos la frukto,
alvenos la venko finfine.

La mond' en kateno
de praa malbeno,
al cxia novajxo ekspita,
rifuzas la ricxon,
la propran felicxon, —
en pra-antauxjugxoj kaptita.

Sed ni, lumlevantoj,
standardo-portantoj,
ne timas rifuzon nek mokon;
ni estas minstreloj
de stelaj altceloj:
Ni kreas la Novan Epokon.

Ni kreas kun kredo
per paca rimedo
de lingvo genia, mirinda:
Gxi estas la fonto
de glora estonto,
de mondo pli bela, hominda.

Forpelu do dubon,
forskuu inkubon!
Ne cedu al penso inerta!
Sed kredu progreson,
nur volu sukceson!
Kaj venko - gxi estas jam certa!


{{tag>kanto litero_v esperanto}}