====== Vintra vespero ======

^Teksto|A. Pushkin|
^Muziko|?|
^E-teksto|[[Lusi RIMON]]|

Romanso.

===== Teksto =====

La tempest' post negxa nubo
Kasxas lumon de l'cxiel'
Jen gxi ploras kvazaux bebo,
Jen eksonas besta jelp', 

Jen susuras per la pajlo
Sur kaduka ligna dom',
Jen ekfrapas cxe la sojlo,
Kvazaux vojperdinta hom'.

Nia magra kabaneto
Splenas pro la obskurec',
Kial, mia avineto,
Vi silentas cxe l'fenestr'?

Aux tempesta blov-rumoro
Vin lacigas, karulin'?
Aux spindela tord' murmura
Igas vin al dorm-inklin'?

Amikino mia sola,
Drinku ni dum la angor'!
Drinku kune por konsolo
Krucxon, ke ne tristu kor'.

Kantu vi al mi fabele
Pri paruo trans la mar'...
Kantu pri knabino bela,
Kron' plektanta en florar'. 

La tempest' post negxa nubo
Kasxas lumon de l'cxiel'
Jen gxi ploras kvazaux bebo,
Jen eksonas besta jelp', 

Amikino mia sola -
Drinku ni dum la angor',
Drinku kune por konsolo
Krucxon, ke ne tristu kor'.

{{tag>kanto litero_v rusa}}