Al nova lignodom'

Staradis sur la monto
Malnova lignodom'.
Ĝin ŝirmis alta fag',
Sur la tegmento flirtis flag'
Staradis sur la monto
Malnova lignodom'.

Disfalis sur la monto
Malnova lignodom'.
Neĝvento, kun terur'
Detruis ĝin ĝis roka mur'.
Disfalis sur la monto
Malnova lignodom'.

Johano sur la monto
Rapidis al la dom'.
Dolor' ekkaptis lin
Pro la dometo en ruin'.
Johano sur la monto
Rapidis al la dom'.

Vidiĝas sur la monto
Jen nova lignodom'.
Konstruis jam Johan'
Pli bela ĝín laŭ nova plan'.
Vidiĝas sur la monto
Jen nova lignodom'.