Mi jam plu al vi ne venos

Noto: Partizana kanto el la periodo de la dua mondmilito.

Mi jam plu al vi ne venos —
iros mi arbaron tuj;
min ekvidi vi ne penu —
post fenestro nur nebul'.
Ne demandu vi min kien,
ĉu atendas min geril' —
/: mi ne restos plu ĉi tie,
mia devo la konspir'. :/

Se mi hejmen ne revenos,
mian kampon plugu frat';
ostojn miajn tero prenos,
fekundiĝos la terplat'.
Vi surkampe somermeze
dum rikolto de sekal'
/: ĝin amkisu plej karese —
mi pluvivos en spikar'! :/