| Teksto | Em. Geibel |
|---|---|
| Muziko | F. Mendelssohn (Op. 99, No. V. 1845) |
| E-teksto | Zanoni |
| Origina titolo | Wenn sich zwei Herzen scheiden |
Se iras kor' de koro
Post longa, dolĉa am’,
Brulvundas la doloro
Animon kvazaŭ flam’.
Ĉagrene sonas vorto jen:
„Adi', — adiaŭ sen reven',”
Se iras kor' de koro
Post longa, dolĉa am’.
Ho, kiom mi suferis
Pro ĉes' de via am';
La suno malaperis
Dum hela tago jam.
Ĉagrene sonis vorto jen:
„Adi', — adiaŭ sen reven'.”
Ho, kiom mi suferis
Pro ĉes' de via am'.