KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Dek klubanoj ======

^Muziko|[[Georgo Handzlik]]|
^Esperanta teksto|[[Georgo Handzlik]]|
^Plenumo|[[Georgo Handzlik]]|

Georgo Handzlik estas pola kantisto de Esperanto-kantoj. Foje oni lin nomas la “Bardo sen barbo”, lia kromnomo, laŭ unu el liaj kantoj.

===== Teksto =====
{{ youtube>me5KUTMeqMs}}
{{ https://lingvovojo.files.wordpress.com/2014/03/balado-dek-klubanoj-spartito0001.jpg?500}}
Dek klubanoj kunvenadis
En la klubo “Verda Stel’ ”
Kaj elekti prezidanton
Estis ties ĉefa cel’.
Kaj kverelis, babiladis,
Kafumadis, ktp.
Unu diris: Adiaŭ!
Kaj restis nur klubanoj naŭ.

Sed aliaj ĉiam ridis
Pri l’ ideo kaj la klub’.
Iun timigis stulta mok’
Kaj estis nur klubanoj ok’.

Ĉiuj laboris tre fervore,
Sindoneme, tamen, sed,
Al John naskiĝis eta beb’
Kaj restis nur klubanoj sep.

Kune planis forvojaĝi,
Sed al iu mankis mon’
Por vojaĝi al kongres’
Kaj restis nur klubanoj ses.

Sed Mark’ prenis jakon, ĉapon,
Ĉar ekvidis knabo, ke
Ekstere staras belulin’
Kaj restis nur klubanoj kvin.

Tamen Ĵak – samideano
Antaŭ venis al la klub’
Vodkon aĉetis en stratbar’
Kaj restis nur klubanoj kvar.

Kvar kverelis, kiu estos
De la klubo prezidant’
Iu laŭtblasfemis: Fi’ !
Kaj restis nur klubanoj tri.

Iufoje dum ses horoj
Ĉarma daŭris la preleg’,
Unu mortis pro enu’
Kaj restis nur klubanoj du.

Unu vangofrapis duan
Ĝis evidenta senkonsci’
Kaj tiam glore, plenhonore
Prezidanto restis mi.


===== Eksteraj ligoj =====
* https://www.youtube.com/watch?v=me5KUTMeqMs - prezento dum la hispana kongreso en 2011
* https://lingvovojo.files.wordpress.com/2014/03/balado-dek-klubanoj-spartito0001.jpg - muziknotoj

{{tag>kanto litero_d filmo notoj}}

KantarViki

Uzantaj iloj

Retejaj iloj

Paĝaj iloj