KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Luno lumas ======

^Esperanta teksto|[[Jinon Meiri]]|
^Tipo|traduko|
^Originala teksto|[[Natan Alterman]]|


===== Teksto =====

Luno lumas, la vento trakuras,
Luno lumas, folioj susuras,
Luno lumas kaj brilas jam stel',
Dormu knabino, finbrulis kandel',
Dormu, dormu, finbrulis kandel'.
Luno lumas,
Dormu knabino finbrulis kandel.

Luno lumas, mallevu palpebrojn,
Luno lumas, tenante la sabrojn,
Luno lumas, galopis al vi,
Dormu knabin' kavaliroj la tri,
Dormu, dormu, kavaliroj la tri.
Luno lumas...
Dormu knabino finbrulis kandel.

Luno lumas, l'unua pafmortis,
Luno lumas, la dua negx-frostis,
Luno lumas, la tria pro vin' -
Dormu knabino, forgesis li vin,
Dormu, dormu, forgesis li vin.
Luno lumas...
Dormu knabino finbrulis kandel.

Luno lumas, blovegas la vento,
Luno lumas, ne estas silento,
Luno lumas, ne revu pri gxoj',
Dormu knabino, malplenas la voj',
Dormu, dormu, malplenas la voj'.
Luno lumas...
Dormu knabino finbrulis kandel.


{{tag>kanto litero_l ivrita}}

KantarViki

Uzantaj iloj

Retejaj iloj

Paĝaj iloj