KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== La Malluma Vagono ======
//Kantas [[Kajto]], teksto kaj muziko de [[Nanne KALMA]].//


===== Teksto =====
Post kiam ni estis enpelitaj, brute ĝi estis fermita -
La pordo peza kaj malhela, sekure ĝi estis reglita.
Kial do tiom da soldatoj sur la kajo en la stacidomo?
Kial tie tiel do kriegis tiu homo?

La vagono subite tremiĝas, skuante ĝi ekmoviĝas -
Terurkaptita mi demandas min: en kia trajno mi troviĝas?
Kial sidlokoj mankas en ĉi tiu malluma vagono?
Kial ne estas fenestroj, neniu lampo al la plafono?

La plej multaj homoj staras aŭ sin apogas kontraŭ la vand';
Kelkaj aliaj kaŭras aŭ eĉ sidas sur la plank'.
Malfreŝaera la atmosfero, fetoro de ŝvit' kaj urino -
Kie estas la necesej', kiun urĝe bezonas mi?

Kial ĉiuj silentas pri la vojaĝo, pri la destin'?
Kial mi estas tutsola, kie estas la patrin'?
Mi ne plu longe povas elteni la lancinadojn de konvulsi'.
Kaj kial ne estas ebleco ĉi tie ke senŝarĝiĝu mi?

La daŭra skuado grandigas la premadon en mia vezik'.
Kreskas la maltrankvileco en mi, la timego, la panik'.
Mi ne plu povas rezisti; ekskapas al mi la neretenebla ondo;
Mi kunpinĉas la krurojn, vane, malsekiĝas la femuroj - Ho Honto! ... 

{{tag>litero_M kanto}}

KantarViki

Uzantaj iloj

Retejaj iloj

Paĝaj iloj