KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Lundanco ======

^Muziko|[[wpeo>Van Morrison]]|
^Esperanta teksto|[[Amir NAOR]]|
^Tipo|traduko|
^Originala titolo|Moondance|
^Originala plenumo|[[wpeo>Van Morrison]]|
^Originala teksto|[[wpeo>Van Morrison]]|

{{youtube>6lFxGBB4UGU?medium}}


===== Teksto =====

Kia mirinda vesper' por lundanco
En viaj okuloj brilas la stel'
Tre mojosa nokt' por ludi romancon
Sub la kovro de oktobra ĉiel'
Ĉiuj folioj falas de la branĉoj
Kun la vento ili brakumas nin
Kaj mi provas aŭskulti la voĉojn
De la korkordoj de via anim'

//Refreno://
>Vi scias ke sorĉas la nokt' per flustra zum'
>Vi scias ke ruĝiĝas vi sub la lunlum'
>Ĉu mi lundancu unu plian fojon kun vi?
>Ĉu mi nur amindumu iom pli kun vi?

Do mi ŝatus vin ami ĉi nokte
Sen atendi plu ĝis la maten'
La tempo nun estas ĝustatempe
Vi kuros rekte al mia mem
Atendas mia kor' vian alvenon
Vi neniam estos sola pli
Miaj revoj realiĝos, bonvenon,
Tiam vi apartenu al mi

Kaj kiam mi vin tuŝas, vi ektremas ene
Ne povante kaŝi kiom vi min volas, ĉu ne?
Ĉu mi lundancu unu plian fojon kun vi?
Ĉu mi nur amindumu iom pli kun vi?

Kia mirinda vesper' por lundanco
En viaj okuloj brilas la stel'
Tre mojosa nokt' por ludi romancon
Sub la kovro de oktobra ĉiel'
Ĉiuj folioj falas de la branĉoj
Kun la vento ili brakumas nin
Kaj mi provas aŭskulti la voĉojn
De la korkordoj de via anim'

>//Refreno//

Unu plia lundanc' kun vi
Sub la lunlum'
Dum sorĉa nokt'
La, la, la, la
Sub la lunlum'
Dum sorĉa nokt'
Ĉu mi lundancu unu plian fojon kun vi?

===== Eksteraj ligoj =====
* https://verkoj.com/verkistoj/amir-naor/tradukitaj-kantoj/lundanco/ - La traduko kun la originala angla teksto
{{tag>kanto litero_"L" angla Traduko}}

KantarViki

Uzantaj iloj

Retejaj iloj

Paĝaj iloj