KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Volontulo de TEJO ======

^Muziko|[[Tobiasz Kubisiowski]]|
^Esperanta teksto|[[Tobiasz Kubisiowski]]|
^Tipo|originala|

La kanto aperas en la muzikalo [[La sorto gvidos vin]] kantita de 'Hari'. Ĝi temas pri realisma priskribo de la kialoj pro kiuj oni iĝas volontulo de TEJO, kaj de la vivo en Roterdamo kiel volontulo.

===== Teksto =====

Dum jaroj mi evitis laboron,
Ne sciis mi, kion fari.
Ĉagren’ nun plenigas la koron,
Mian vivon mi devas ripari.

Ĉu mi almozpetu surstrate?
Cu mi aliĝu al la armeo?
Neniam mi plu vivos glate
Krom se… mi ekhavis ideon!

//Refreno://
>Do volontulo de TEJO
Fariĝos mi rapide
Roterdamon
Atendas mi avide

>Volontuloj de TEJO
Ja vivas en komfort’.
Por Esperanto mi laboros
Senpage ĝis la mort’.

>Do, rapide, senprokraste
Mi apliku tuje, haste,
Centra oficejo – jen mi!

>Jen volontulo de TEJO
Atendas vin kun ĝoj’.
Belas la vivo
– Ankoraŭ unu foj’.

Multobliĝos mia taskaro,
Sed mi ne ploros pro mia fato.
Super mi – la estraro,
Kaj supere – la komitato.

Dum la oficeja laboro
Perdiĝos mi ĉiutage
Sed mia viv’ ja estos oro
Tion mi scias malsvage.

//Refreno://
>Ĉar volontulo de TEJO
Fariĝos mi rapide
Roterdamon
Atendas mi avide

>Volontuloj de TEJO
Ja vivas en komfort’.
Por Esperanto mi laboros
Senpage ĝis la mort’.

>Do, rapide, senprokraste
Mi apliku tuje, haste,
Centra oficejo – jen mi!

>Jen volontulo de TEJO
Atendas vin kun ĝoj’.
Belas la vivo
– Ankoraŭ unu foj’.

===== Eksteraj ligoj =====
* https://www.youtube.com/watch?v=6Zmmv2C2vL8&list=OLAK5uy_kzyEDjxdjdypSBpCzXKyHKV-Oj9qB_KoA&index=5 (en YouTube)
* https://open.spotify.com/track/4TPmUyeIcARUULabftDFSP (en Spotify)

{{tag>kanto litero_V}}

KantarViki

Uzantaj iloj

Retejaj iloj

Paĝaj iloj