Ĉe la kaftablo

MuzikoQubben Noah
Esperanta tekstoH. E. Jensen
Tiponova teksto

Venu nun, samideanoj,
regu harmoni'!
Plenkreskuloj kaj infanoj,
kolektiĝu vi!
Ĉirkaŭante tablon
montru la kapablon,
manĝu, trinku kaj konvinku
korojn sen ebri'!

Jam delonge en la koro
malsategis ni,
kaj al bela, festa horo
celis, batis ĝi.
Bona estas kafo,
akvo en karafo,
teo varma estas ĉarma.
Ĉu konsentas vi?

Sed la grava, ĉefa parto,
cel' de nia kor',
tamen estas la bonfarto
de la samlabor'
por la bela, granda
bono esperanta:
Vivu, vivu Esperanto!
Vivu en la kor'!

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • cxe_la_kaftablo.txt
  • Lastaj ŝanĝoj: 04.11.2015 14:02
  • (ekstera redakto)