Ĉe vi min forprenu

TekstoÉric IVAN
KantasKarol KRIGELSZTAJN «JoMo»

Ĉe vi min forprenu,
tie bonfartos mi.
Ĉe vi min forprenu,
tie vin vartos mi.

Ĉe mi, mi fremdulas,
vagadas mi sen cel'.
Tie ĉi mi nulas,
ĉiamas vintrovel'.

Rekantaĵo:

Ĉe vi varmas sun',
kaj arĝentas lun'.
Neniam estas
nek ĉina sindrom',
nek deviga kondom',
nek senespera hom'.
Ĉe vi min forprenu,
tie bonfartos mi.
Ĉe vi min forprenu,
tie vin vartos mi.

Sen perfidi fraton,
sen povo, sen la mon',
vi fantomos straton,
do ĝis la tomboŝton'.

Rekantaĵo

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • cxe_vi_min_forprenu.txt
  • Lastaj ŝanĝoj: 04.11.2015 13:55
  • (ekstera redakto)