Dana nacia himno

MuzikoH. E. Krøyer
TekstoAdam Oehlenschläger
E-tekstoP. Th. Justesen
E-teksto 2H. E. Jensen
E-teksto 3J. Wulff
Origina titoloFædrelands-Sang
MIDIdana_nacia_himno.mid

Teksto

Ho, vi ĉarmega land'
kun larĝaj verdaj fagoj
ĉe balta mara strand'
ĉe balta mara strand'!
Belege, mole, ondas vi,
ho, Danmark! Dia Freja
hejmadas tie ĉi,
hejmadas tie ĉi.

Timigaj en batal'
pratempaj viroj vivis
en via paca val',
en via paca val'.
Sub baŭtaŝtono sur montet'
iliaj ostoj kuŝas
en nokta tombkviet',
en nokta tombkviet'.

Ankoraŭ bluas mar'
ĉe vi, Danlando bela,
kaj verdas fagarbar',
kaj verdas fagarbar'.
Ankoraŭ vivas tie ĉi
la viking-posteuloj,
la dana gento: ni!
la dana gento: ni!

La klara, dana vort',
la kredo je la bono,
jen estas nia fort',
jen estas nia fort'.
Maljuna Danmark! Restos vi,
dum kiam speguliĝas
en maro fagfoli',
en maro fagfoli'.

Teksto 2

La dana nacia himno

Troviĝas ĉarma land'
kun verdaj, larĝaj fagoj
apud la freŝa strand'
apud la freŝa strand'
kun montetar' kaj verda val'.
Ni nomas ĝin Danlando -
al Freja bela hal!
al Freja bela hal!

Kaj en la verda hal'
pratempe la fortuloj
ripozis de batal'
ripozis de batal'
por nova lukto en koler', -
nun ili kune dormas
sub ŝtono en la ter'
sub ŝtono en la ter'.

Ankoraŭ ĉe la mar'
la bela lando kuŝas
kun fresa foliar',
kun fresa foliar'.
Virina ĉarmo kaj esper'
kaj vira forto vivas
sur nia dana ter'.
sur nia dana ter'.

Por reĝo kaj patruj'
la dana burĝo agas,
la devon faru tuj.
la devon faru tuj.
Restadu nia insular',
dum fagojn respegulas
la sala, blua mar'!,
la sala, blua mar'!

Teksto 3

Dana nacia himno: Jen kuŝas ĉarma land'

Jen kuŝas ĉarma land'
kun larĝaj verdaj fagoj,
ĉe la Baltika mar'.
ĉe la Baltika mar'.
Sur kampoj ondas ora gren',
Danlando ĝi nomiĝas,
ĝi estas Freja hal'!
ĝi estas Freja hal'!

Pratempe tie-ĉi
kirasvestitaj viroj
ripozis de l' milit',
ripozis de l' milit',
kaj ree iris al batal';
iliaj ostoj kuŝas
nun sub la baŭtaston'!
nun sub la baŭtaston'!

Eterne bela land'
kun bluaj marozonoj
kaj verda fagarbar'!
kaj verda fagarbar'!
Ĉarmega estas la virin',
kuraĝa ĉiu viro
de l' dana insular'!
de l' dana insular'!

Origina teksto

Fædrelands-Sang
Der er et yndigt Land

Der er et yndigt Land,
Det staaer med brede Bøge
/:Nær salten Østerstrand;:/
Det bugter sig i Bakke, Dal,
Det hedder gamle Danmark,
/:Og det er Freias Sal.:/

Der sad i fordums Tid
De harniskklædte Kæmper,
/:Udhvilede fra Strid;:/
Saa drog de frem til Fienders Meen,
Nu hvile deres Bene
/:Bag Høiens Bautasteen.:/

Det Land endnu er skiønt,
Thi blaa sig Søen belter,
/:Og Løvet staaer saa grønt;:/
Og ædle Kvinder, skiønne Møer,
Og Mænd og raske Svende
/:Beboe de Danske Øer.:/

Hil Drot og Fædreland!
Hil hver en Danneborger,
/:Som virker hvad han kan.:/
Vort gamle Danmark skal bestaae,
Saalænge Bøgen speiler
/:Sin Top i Bølgen blaa.:/

QR-Kodo
QR-Kodo Dana nacia himno (generita por kuranta pagxo)
Amikaro

http://www.ikso.net