Uzantaj iloj
Flanka strio
Tiu estas malnova revizio de la dokumento. Klaku sur titolon por ricevi kurantan version.
----
Enhavtabelo
Diantetoj
Origina titolo: Clavelitos
Teksto
Dianton volas nun mi,
tiu flor' ĉe viaj lipoj,
ĉar estas vero ke ĝi
min allogas, karulino.
Tintilon ricevos vi,
mi promesas, ja, bebeto,
se mielon donas vi,
tiu ĉe via buŝeto.
Rekantaĵo:
Diantetoj, diantetoj,
diantetoj el la tuta kor',
mi alportas diantetojn,
diantetojn kun ruĝa kolor'.
Sed se iam diantetojn
mi ne povus alporti por vi,
ne ekpensu ke mi ne vin amas,
mi ne povis ilin deŝiri.
Vesperon en la mallum'
mi vidis freŝan buŝeton,
neniam en Santa Kruz'
ekzistis tia beleco.
Kaj je vido de diant',
ornam' via ĉe l'ĉapelo,
ŝajnis al mi, adorant',
kvazaŭ peco el ĉielo.
Rekantaĵo
Teksto 2
Knabin' regalu min per
la dianto via-buŝa.
Ne hontu, tio en ver'
estas nur afer' lip-tuŝa.
Vin mi regalos per kver',
jen promeso de poeto,
se vi regalos min per
miel' de via buŝeto.
Rekantaĵo:
Diantetoj, diantetoj,
diantetojn plej karajn al kor',
frambe ruĝajn diantetojn
mi alportas al vi kun fervor',
sed, se iam diantetojn
mi ne povos alporti en ver',
pensu ne ke vin mi ne plu amas,
sed ke ne eblis, ve, la afer'.
En duonlum', ĉe la vid'
de la buŝo frambe brila,
mi pensis, ke en Madrid'
ne troveblas bel' simila.
Poste, vidante kun mir'
dianteton via-hare,
mi pensis, ke vidas mi
ĉiel-pecon pleje klare.
Rekantaĵo
Eksteraj ligoj
https://www.youtube.com/watch?v=RmjeeIgaoBU
Diantetoj (Clavelitos) Miguel Fernández kaj Calle del Barquillo (Teksto 2)
