En akvo de la klara fonto
Ŝi tute nura banis sin
Sed forblovis la vento sen honto
La vestojn de l' ĉarma knabin'

Al mi ŝi signis pro pudoro
Petis: “Kovru min per foli'
Per folioj de vit' aŭ floroj
Jen per lekant', jen per lili'”

Ĉar ŝi maldikis en ĉi pozo
Do korsaĵeton faris mi
El petaloj de unu rozo
De unu roz', de unu pli

El vitobranĉo en proksimo
Jupeton jen drapiris mi
Ĝi elpetis la belulino
Sufiĉis ja nura foli'

Dankema, kvazaŭ al hazardo
Ŝi kun brakumo kisis min
Kaj responde pro mia ardo
Jen ree senvesta la ondin'

La junulin' la ludon ŝatis
Ĉar en la fonto ja sen pent'
Tut-tenura ŝi sin banadis
Preĝante nur, ke blovu vent'
Ke blovu vent'

• http://vinilkosmo.com/?disc=vkkd19 - Paĝo pri la albumo, © Vinilkosmo 1998