Uzantaj iloj
Flanka strio
Tiu estas malnova revizio de la dokumento. Klaku sur titolon por ricevi kurantan version.
----
Esperanto, tiu estu via nomo
| Muziko | Roberto PIGRO |
|---|---|
| Esperanta teksto | Roberto PIGRO |
| Esperanta plenumo | Cristina CASELLA |
| Tipo | nova teksto |
| Originala plenumo | Cristina CASELLA |
| Originala teksto | Roberto PIGRO |
Himno de KEU (Kipra Esperanto-Unio), libere utiligebla de kiu ajn.
Teksto
En urbo de Pollando
junulo havis revon:
per simpla lingvo tutmonda
unuigi l' planedon.
Ĉar jam en tiu epoko
estis ĥaos', babelo;
milito, morto regadis
sen iu interkompreno…
Kuracisto en la viv',
li eldediĉis sin
al sanig' de homar' ne sana.
Antaŭ 128 jaroj
li donis nin
per rimedo al nia emo batala.
Kiam naskiĝis tiu pontolingvo,
li pripensis enkore la jenon:
Esperanto, tiu estu via nomo,
flugu, mi petas, tuj kunigu la mondon.
Malproksimen, plej alten vi iru,
Min ne plu atendu, min ne prizorgu…
Unuopa voĉ' nenias,
kiel ondo sur la maro.
kiu ĝin karesas sed jam ne plu estas.
Ideoj tamen restas,
estigas ies trezoron,
se ja videblas ilia valoro…
De jarcent' al jarcent'
kaj en ĉiu kontinent'
oni lernis tiun ilon de paco…
Ĝin parolu vi mem
se vi kredas, ke tiu
nova sento estas Dia donaco…
El la revo de juna viro
jen aperis espero plej granda.
Esperanton bezonas la mondo
por repaciĝi, por iu nova paĝo,
por forigi la vorton “malamo”
el la vortaro de ajna homo de la ter'
de ajna homo sur la ter'
de ajna homo sur la ter'…
