Furora danc'

Muzikoi.d.c.
Tiponova teksto
Originala plenumoi.d.c.
Originala tekstoi.d.c.

Teksto

La ŝild' informas: etoso speciala tie
Eniru tuj sen hezit'
Neniu dormas, vin bonvenigas simpatie
Amikoj gajaj pro via vizit'

Sentiĝas nur ĝoj’ de la mojosa etos'
Aliĝu tuj kie reĝas malsufer'
Alian tagon elektu por la ripoz'
Nur pri la jen' temas tiu afer':

Furora danc' en nia hejm'
Moviĝi kune estas nia em'
Bunteca danc' en nia ej'
Internaciaj estas ni la plej

Ni ŝvitu en nia diskotek' universala
De longe jam ne plu brilas la sun'
Invitu ĉiujn al la malfeko ideala
Ja ĝia flam' brulas nun

Ne restu ekster tiu ĉarma kaos'
Ne maltrafendas ja nia malmizer'
Ne bezonatas la cerb' kaj la serioz'
Nur pri la jen' temas tiu afer':

Furora danc' en nia hejm'
Moviĝi kune estas nia em'
Bunteca danc' en nia ej'
Internaciaj estas ni la plej

QR-Kodo
QR-Kodo Furora danc' (generita por kuranta pagxo)
Amikaro

http://www.ikso.net