Uzantaj iloj

Retejaj iloj


la_bonurbo

La Bonurbo

Kantas Persone
Muziko de Martin. Teksto de Martin, Bertilo & Per Ola

Teksto

Mi iris en la centron por vidi
kio okazas en la metropolo
Sur la placo estis granda koncerto
homoj dancis, estis gaja folo
La lumo sur la akvo, la homoj en la strat'
Mi iras aŭtobuse, mi iras per boat'

Mi iris en la oldan urbon
En kafejo sidis amikaro
Kaj iu demandis al ĉiuj
ĉu ni iru naĝi en la maro
Ni manĝas glaciaĵojn, diskutas pri muzik'
Ludiĝas la gitaro kaj la buŝharmonik'

Bela kiel stelo, hela kiel tag'
La urbo de festego, de amo kaj vagad'
Jes, vi estas bela, kiel plej bela knabin'
Stokholmo, mi amas vin

Mi iris sur la stratoj dum nokto
La varma vento kiel kareso
Same svarmis homoj kiel dum tago
Stratartisto ludis kun sukceso
Plej belaj en la mondo la inoj tie ĉi
Meze de amikoj, mirinda vivmedi'

la_bonurbo.txt · Lastaj ŝanĝoj: 21.12.2023 09:34 (ekstera redakto)