Aŭtoras Roĝer BORĜES, 2001
Originale aperinta en la disko “Muziko Elektronika”

En nokto alia mi dormis kiel ŝtono,
Kaj en festa domo vekiĝis apud Ŝi, ho!
Jen mister´
El somer´ pasinta
kaj jes, mi memoras, kia stranga afer´!

kvazaŭ ĝi ne estus ver´
tia sonĝo portis min en
voj´ sen fin tra river´
en tiu lando blovis do glacia vent´
kiam lokon neatendite trafis mens´!

fantazi´
lando de iluzi´
Graci´, pimpa diin´
sonĝanta amori en la ĉiel´,
sen la luno nek la steloj, sole nur
inter tiom da kolor´ kaj plezur´!

la sonĝo
la sonĝo

kvazaŭ ĝi ne estus ver´
tia sonĝo portis min en
voj´ sen fin tra river´
en tiu lando blovis do glacia vent´
kiam lokon neatendite trafis mens´

fantazi´
lando de iluzi´
Graci´, pimpa diin´
sonĝanta amori en la ĉiel´,
sen la luno nek la steloj, sole nur
inter tiom da kolor´ kaj plezur´

Mi lasis la bohemion
kaj ne festos plu
Verŝajne alvenas tagmezo nun
Tamen mi ja ne forgesos ŝin
Ni provis ĝui sonĝon ĝis la fin´

La sonĝo…