Leontoda floko

MuzikoM. Vaitkevičius
TekstoA. Saulynas
E-tekstoV. Šilas
MIDIleontoda_floko.mid

Konkuras gaje super floroj
La papilioj en lazur'.
Pri kio revas mia koro,
Divenos la floketo nur.

Refreno:

Tenera flok', ĉu konas vi
Feliĉon mian - kie ĝi?
Atingu, flustru en ventet',
Ke lin mi amas en sekret'.

Matenan roson mi kunsendas,
Kanzonon tristan sen mezur',
Sed kiun tiel mi atendas,
Divenos la floketo nur.

Refreno

Impetas al la espero,
Ridete sonĝas kun plezur'.
Li amas min, ĉu estas vero?
Divenos la floketo nur.

Refreno

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • leontoda_floko.txt
  • Lastaj ŝanĝoj: 04.11.2015 14:00
  • (ekstera redakto)