Mi kaj edzin'

Esperanta tekstoA. v. D. STARRE
Tipotraduko
Originala titoloIk en m'n wijf

Teksto

Senutile, ke ni plendas,
Plendoj helpas al neni'
Frivolecon ni defendas,
For la plendo-litani';
Ĉu ŝuisto ne plu flikas,
La buĉisto nin kritikas…

Rekantaĵo:

/: Mi kaj edzin' kaj la knaboj, ĉiuj kvin
Kantas kanteton por distri nin. :/

Murmurado malutilas,
Tre malhelpas al humor'.
Post la nuboj suno brilas.
Pesimismo estu for!
Ĉu bakisto ne plu fidas,
Ĉar la ŝuldoj piramidas….

Rekantaĵo

Jes, ja estas multaj homoj,
Riĉaj certe pli ol ni,
Sed, en kies belaj domoj
Mankas ĉia harmoni'.
Kie homoj monavidas,
Tie amo ne kunsidas….

Rekantaĵo

Cerbumadi provizore
Pri ĉagrenoj kaj mizer',
Ni donacas do tutkore,
Al diablo en l'infer'.
Ĉu maldika jam la jako,
Eĉ se grumblas la stomako…

Rekantaĵo

QR-Kodo
QR-Kodo Mi kaj edzin' (generita por kuranta pagxo)
Amikaro

http://www.ikso.net