Mi volas ŝin

Teksto

Harare ŝi nigras kaj blankas la dentar'
Iom diketa - laŭ konata ideal':
Ĉu vi vidas ŝin?
(Jes mi vidas ŝin!)
Ŝi batigas mian koron, evidentas la kial'
Se vi vidas ŝin.

Okulojn ŝi frapas dum eta promenad'
Per simpla apero, kaj sciu kamerad',
Ke mi volas ŝin!
(Ĉu vi volas ŝin?)
Ŝi elprenas mian emon,
Evidentas la kial'
Por mi voli ŝin.

Rigardu ŝiajn movojn paŝante sur la strat'!
Alvenas ĉiam vortoj kiel plaĉo kiel ŝat'.
La lipoj ŝajnas dolĉaj, kiel gust' de la pralin',
La besto en mi krias:
Mi volas ŝin!

Mi forte tremas kiel folio en la ŝtorm'
Dum ŝia proksimiĝo, kiel sonĝ' de bela dorm'
Ĉu komprenas vi?
(Vin komprenas mi!)
Ŝi devigas ian agon
Kaj tre simplas la kial'
Ĉar mi volas ŝin

Rigardu ŝiajn movojn paŝante sur la strat'!
Alvenas ĉiam vortoj kiel plaĉo kiel ŝat'.
La lipoj ŝajnas dolĉaj, kiel gust' de la pralin',
La besto en mi krias:
Mi volas ŝin!

Hieraŭ mi eksentis min plena je la fort'
Por trovi ŝian hejmon kaj frapi sur la pord'.
Imagu la surprizon: aperis gaja ŝi
Kaj flustris min orelen: “Vin volas mi!”

POST 50 JAROJ

Harare ŝi grizas, kaj nigras la dentar'
Iom tro dika por mia ideal'
Tamen mi volas ŝin
(Ĉu vi volas ŝin?)
Jes ŝi batigas mian koron, evidentas la kial'
Ĉar mi amas ŝin

Jes mi amas ŝin!
(Ĉu vi volas ŝin?)
Jes mi emas ŝin!
(Ĉu vi ŝatas ŝin?)
Jes mi adoras ŝin!
(Ĉu vi admiras ŝin?)
Jes, eĉ tion, jes,
Ĉar ŝi elprenas mian emon - kaj pro simpla kialet':
Ĉar mi amas ŝin.

Poŝtelefone

Tonsilabe

Eksteraj ligoj

QR-Kodo
QR-Kodo Mi volas ŝin (generita por kuranta pagxo)
Amikaro

http://www.ikso.net