Sed Cxio Tias

Teksto - V. Ŝaĥrin; muziko - V. Begunov, (kanto de la rok-bando “Ĉajf” ) E-teksto de Paŭlo MOĴAJEV (Mevo)

Teksto

Ho, kiel fruas nun la aŭtuno,
Kiel strangegas rendevuo nia -
Ĉio ĉi similas al kadroj de l' filmo,
Multfoje rigardata, sed ne finkomprenita.
Sekajn pelis vent' foliojn en fenestrojn,
Stratbubaĉoj skribis per kret' surmure,
Maltrankvile ion la folioj flustras,
Oni per kret' surmurigas la samon:

Ke ĉio tias - vanas do lamenti,
Tio ne povas esti alie,
Ĉion restontan ni forkaŝos atente
Por disdonadi poste ĝin nur po iom.

Vi renkontis min en domo forlasita
Kun da ŝtupoj milo, kun cent fenestroj,
Senbalustradaj ŝtupoj, fenestroj senvitraj,
Parolis vi al mi tre mallaŭte… Parolis vi al mi pri la plej grava,
Pri la plej ĉefa, la plej signifa,
Ke ne plu ploros vi dum nokt-silento,
Mi promesis ne plu rigardi al horloĝo.

Sed ĉio tias - vanas do lamenti,
Tio ne povas esti alie,
Ĉion restontan ni forkaŝos atente
Por disdonadi poste ĝin nur po iom.

Bonas, ke neniu nin povis aŭdi,
Krom la muroj, sed ili ne rakontos,
Ke ni denove ne plenumis la promeson -
Mi kontrolas tempon, kaj vi nokte ploras…

Ĉio ĉi tias, vanas do lamenti,
Tio ne povas esti alie,
Ĉion restontan ni forkaŝos atente
Por disdonadi poste ĝin nur po iom.

QR-Kodo
QR-Kodo Sed Cxio Tias (generita por kuranta pagxo)
Amikaro

http://www.ikso.net