Uzantaj iloj

Retejaj iloj


senhauxta

Enhavtabelo

Senhaŭta

Teksto Eladia BLÁZQUEZ
Muziko Eladia BLÁZQUEZ

Teksto

Jes, ja, por mi alvenis jam la horo de la ver'
kaj devos fari mi el tiu iluzi'
tre belan pakaĵeton kun blua kunligil',
ĝin gardi en valiz',
ne plu malfermi ĝin.
Nun devas mi mortigi revojn,
ŝajnigi devas mi kuraĝon
por tuj komenci la vojaĝon
tra la griza vojo de l’ senam'.

Refreno:

Baldaŭ pri plor' sen larmad' lernos mi,
ne plu ekhaltos mi apud la flor'
kaj dum forpasas l’ esprimo
ve, mia animo tuj restas sen voĉ'.
Povas duone nin trafi la mort'
kaj ni vivos laŭ takt' de horloĝ'
kiel senhaŭta robot'
samkiel senviva hom'.

Post multe da sufero pro helpema sindonad',
post prete servi mi nur pro humana kor',
mi sentas apation metitan sub la haŭt'
kun ŝajno de senam'
kaj plena de dolor'.
Sed tio min ne tro surprizas
ĉar homnaturo tiel agas:
en la okazo ni malgajas
pro la grava perdo de la fid'.

Refreno

Teksto 2

Origina teksto:

Sin piel

¡Ya sé! Llegó la hora de archivar el corazón…
De hacer con la ilusión, que no me va a servir
un lindo paquetito con una cinta azul,
guardarlo en el baúl y no volverlo a abrir…
Es hora de matar los suenos,
es hora de inventar coraje
para iniciar un largo viaje
por un gris paisaje…
¡sin amor!

Voy a aprender a llorar sin sufrir,
sin detenerme a mirar una flor,
a encallecer lentamente
¡igual que la gente sin alma y sin voz!
Voy a entender que se puede morir,
y latir… al compás del reloj;
como una máquina fiel
igual que un robot…
¡sin piel!

Después de haber sentido hasta el dolor… a los demás,
de darme sin medir, de amar sin calcular,
llegó la indiferencia metiéndose en mi piel
pacientemente cruel, ¡matando mi verdad!
Saber que no me importa nada…
de alguna vibración pasada;
y caminar narcotizado
por un mundo helado…
¡sin amor!

senhauxta.txt · Lastaj ŝanĝoj: 21.12.2023 09:34 (ekstera redakto)