Supre staras sur la monto

TekstoUhland
MuzikoE. Ducommun
E-tekstoL. L. Zamenhof
Origina titoloDroben stehet die Kapelle

Supre staras sur la monto
La silenta kapeleto.
En la valo, ĉe la fonto,
Ĝoje kantas paŝtisteto.

Sonorado, mortkantado
Nun eksonis tra l’silento —
Haltis knabo en kantado
Kaj aŭskultas kun atento.

En la tombojn de l' monteto
El la valo ĉiu venos,
Ankaŭ vin, ho paŝtisteto,
Oni iam tien prenos.

Se vi ensalutus, vi povus komenti.
  • supre_staras_sur_la_monto.txt
  • Lastaj ŝanĝoj: 04.11.2015 13:59
  • (ekstera redakto)