KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Verda stelo ======

^E-teksto|[[wpeo>Oskar Peters]]|


Kantu laŭ melodio: „O alte Burschenherrlichkeit.”


===== Teksto =====


En tiu cxi solena hor'
Eksonu nia kanto,
Por ke ekflamu cxiu kor'
Por nia Esperanto.
La lingvo, kiu ligas nin
Kaj kiu kunfratigas nin
Por alta sankta celo
De nia verda stelo!

Amikoj alten tenu vi
La signon de l’espero,
Neniam forgesante pri
La amo kaj la vero!
Ekjxuru, ke vi gxis la mort',
Ecx dum plej malfelicxa sort',
Laboros por la celo
De nia verda stelo!

Fidelaj estu al la jur',
Neniam flankigxante,
Cxar ni per unueco nur
Ekvenkos batalante! —
Batalo ne timigu nin,
Kontrauxe, gxi fresxigu nin
Por alta sankta celo
De nia verda stelo.

Sed kiam foje vin labor'
Tro forte eklacigos,
Memoru, ke plezura hor'
Vin certe revivigos! —
Ni estu tial gajaj nun;
Ecx se briladas nek la sun',
Nek luno sur cxielo:
Ekbrilu verda stelo!

Sed ankaux ne forgesu ni
La cxarmajn virinetojn,
Cxar ili al la harmoni’
Donacas la rozetojn,
Vivegu cxiu belulin',
Akompananta gaje nin
Sur vojo al la celo
De nia verda stelo!

Kaj fine nun el tuta kor',
Dum flirtas la standardo,
Dum tintas glasoj laux la mor',
Elkriu ni kun ardo:
Gxis eternigxos nia rond',
Gxis ruinigxos nia mond',
Vivegu nia celo, —
Vivegu verda stelo!

{{tag>kanto litero_v esperanto}}

KantarViki

Uzantaj iloj

Retejaj iloj

Paĝaj iloj