Uzantaj iloj

Retejaj iloj


amokanto

Amokanto

TekstoTomas Q Nilsson
MuzikoTomas Q Nilsson
KantasLa Perdita Generacio (Anna)

Teksto

Mi amas vin tre multe, kara
de Herno estas mi viktimo
amas vin tre multe
multe pli ol iu ajn esprimo
pli ol tro uzitaj vortoj
pli ol iaj ajn logikaj fortoj
ĉar la bril' de via flor'
estas la ritm' de mia kor'

mi amas vin tre multe
kaj neniam volus mi limigi
vian eblecplenan eston
kontraŭe mi volus vin instigi
pli ol iaj ajn promesoj
pli ol fiaj Hollywoodaj tezoj
kaj aventuro kaj reven'
estas por nia amo plen'

senŝlosa estas paradizo
amon oni ne posedas
iru iuen ajn vi emas
malliberejoj ĉiam tedas
ĉiam blovu amovento
ĉiam portu ĝi al ni kontenton
pri la esto, ĉar liber'
vivtenas nin je amesper'

mi amas vin tre multe kara
dankon Herno pro la beno
amas vin tre multe
multe pli ol iam vi komprenos
pli ol tro uzitaj vortoj
pli ol iaj ajn logikaj fortoj
ĉar la bril' de via flor'
estas la ritm' de mia kor'.

Eksteraj ligoj

amokanto.txt · Lastaj ŝanĝoj: 21.12.2023 09:34 (ekstera redakto)