Antaŭ du jaroj

Antaŭ du jaroj mi vin ekvidis
en kunloĝado la plej intima.
Sed vi timidis, dece nur sidis;
gutis hontem' fraŭlina.

Refreno:

Antaŭ du jaroj mi vin ekvidis
en kunloĝado junula.
Antaŭ du jaroj mi vin ekvidis
en kunloĝado junula.

En lasta jaro mi vin revidis
en kunloĝado la plej severa.
Vi ne hezitis, ne plu timidis;
fluis parol' libera.

Refreno

Ankaŭ ĉijare mi vin revidis
en kunloĝado la plej valora.
Ĉiuj konfidis, vi ne perfidis
per la labor' fervora.

Refreno

Post unu jaro mi vin revidos
en kunloĝado la plej prospera.
Mi vin invitos kaj nur rapidos
al promenad' vespera.

Refreno:

Ĉar en ĉi jaro mi vin ekamis
en kunloĝado junula.
Ĉar en ĉi jaro mi vin ekamis
en kunloĝado junula.

1)
aŭtora permeso por publikigo ricevita
  • antaux_du_jaroj_kanto.txt
  • Lastaj ŝanĝoj: 04.11.2015 13:58
  • (ekstera redakto)