Tiu estas malnova revizio de la dokumento. Klaku sur titolon por ricevi kurantan version.
----

Birdeto kantis sur tili'

AŭtoroM. Rüthers
E-teksto„Verda Stelo“, (Frankenberg i. S.)
Origina tekstoEin Vöglein sang im Lindenbaum

Birdeto kantis sur tili'
Dum varma nokta hor’. —
Aŭskulte revis nur pri ŝi
Profunde mia kor'.
Kunigis kanton en aer'
Kun bonodor' tili';
De malĝojeco kaj mizer'
/: Mallaŭte ploris mi. :/

Sub la tili' en lasta jar'
Je l’man' mi tenis ŝin.
Sub la tili' en lasta jar'
La amo ligis nin.
Je mia brusto sen ĉagren'
Ŝi do apogis sin;
En feliĉega ĉirkaŭpren'
/: Mi fajre kisis ŝin. :/

Ripozas pace sub tili'
Nun mia kor-trezor';
De mia amrevaĵ’ al mi
Nur restis la memor'.
Birdeto kantis sur tili'
Dum varma, nokta hor’. —
Aŭskulte revis nur pri ŝi
Profunde mia kor’.

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • birdeto_kantis_sur_tili.1295476788.txt.gz
  • Lastaj ŝanĝoj: 04.11.2015 12:37
  • (ekstera redakto)