Bonaj purigistinoj

Esperanta tekstoRogier Huurman kaj Gunnar FISCHER
Esperanta plenumoLa VIPoj
Tipoadapto
Originala plenumoDolchamar

Origina titolo de la kanto: Junaj Idealistoj.

La VIPoj prezentis tiun kanton dum la internacia vespero de la Internacia Junulara Kongreso 2015 en Wiesbaden.

Teksto

Renkontiĝu en trinkej'
Babilado kun amiko
Ĉi-vespere plaĉos plej
Koron tuŝanta muziko
Iĝas granda la festen'
kaj ni kantas en etoso
Sed konstatas en maten'
ke ĉie estas nun ĥaoso

Ni bezonas bonajn purigistinojn
kiuj viŝu la spurojn de hieraŭ
Ni bezonas bonajn purigistinojn
kiuj lavu la plankon antaŭ morgaŭ

Al helpanto evoluu
Ekplenumu vian devon
En sitelon akvo fluu
Balailon vi ricevos
Ebriiĝu en trinkej'
Diboĉadu kun amikoj
Vin ĉi-nokte ravos plej
Tablo plena da kalikoj

Ni bezonas bonajn purigistinojn
kiuj viŝu la spurojn de hieraŭ
Ni bezonas bonajn purigistinojn
kiuj lavu la plankon antaŭ morgaŭ

Purigistinoj neniam senlaboras, neniam senlaboras, neniam senlaboras
Purigistinoj neniam senlaboras, neniam senlaboras, neniam senlaboras

Se vi ensalutus, vi povus komenti.
  • bonaj_purigistinoj.txt
  • Lastaj ŝanĝoj: 21.04.2019 09:47
  • de rocxjo