Ĉio venas de l' nenio

Teksto

Se vi sidas en silento
Kaj trankvilas via spiro
Malrapide flugas pensoj
Kaj nenien vi rapidas

Fermu la okulojn viajn
Lasu sentojn liberiĝi
kaj komprenu
Ĉio venas de l' nenio
Kaj foriras al malpleno.

Kiam foje vi laciĝos
De la kampo por prospero
Kaj post longa peza tago
Vi meditos pri libero

Prenu manon en la mano
Kaj aŭskultu la animon
kaj komprenu
Ĉio venas de l' nenio
Kaj foriras al malpleno.

Eble venos la momento
Kiam lasos vin espero
Kaj la vivo perdos sencon
Ĉio estos en ĥimero

Simple sidu en silento
Trankviligu vian spiron
kaj komprenu
Ĉio venas de l' nenio
Kaj foriras al malpleno.

Eksteraj ligoj

QR-Kodo
QR-Kodo Ĉio venas de l' nenio (generita por kuranta pagxo)
Amikaro

http://www.ikso.net