De antikva temp' batalis

MuzikoMelodio de: Paa det jævne eller / Strömt herbei, ihr Völkerscharen
Esperanta tekstoPoul Moth

Teksto

De antikva temp' batalis
proletaro por liber',
kaj viktime multaj falis,
kaj kun sang' ruĝiĝis ter'.
Miloj en karcer' suferis
turmentitaj de burĝar',
/: kiu ĉiam nur konkeris
la potencon per murdar' :/

La tiranoj havis penon,
ke rompiĝu proletar',
ĝin ĵetadis en katenon,
ĝin murdadis sen rajtar'.
Solidaro ne mortiĝis.
Ĉiam la proleta fort'
/: ribeladis; kaj kreiĝis
por prolet' pli bona sort'. :/

Tuta mond' nun en obskuro
kuŝas, kaj la laborist'
subjugita de la duro
de l’ kruela militist'.
Aŭdu la katensonoron!
Ĉie laborista sang',
/: ĉie murdoj; ĉiun horon
krias pro suferoj lang' :/

Kiel post antaŭaj batoj
ree venos glora tag';
ree marŝos tra la stratoj
proletar' sub ruĝa flag'.
Restariĝos ligo forta
de l’ tutmonda proletar'.
/: Tiam de l’ batal' ĝismorta
komenciĝos la prepar' :/

Malaperas oldaj klanoj,
malhelpegoj en labor'.
Samsentante, samlingvanoj,
ĉiulande sama mor'
la popoloj mem ariĝas
en batalo por liber'.
/: Eĉ se l’ vojo nun bariĝas,
venkos proletar' sur ter' :/

QR-Kodo
QR-Kodo De antikva temp' batalis (generita por kuranta pagxo)
Amikaro

http://www.ikso.net