Uzantaj iloj

Retejaj iloj


eterna_la_negx

Eterna la neĝ'

Esperanta tekstoH. Christensen kaj H. E. Jensen
Tipotraduko
Originala titoloDen evige Sne
Originala tekstoJohs. Jørgensen

Teksto

Eterna la neĝ', eterna la neĝ'!
jen super la vinverdaj montoj,
super de l’ valoj plezur' kaj leĝ'
kaj vantaj, pigmeaj rakontoj.

Eterna la neĝ', eterna la neĝ',
al kiu nur vane mi celas!
Cedas neniam glacia la reĝ'
kaj ne en la suno degelas.

Eterna, ho neĝ', en brila sublim'
jen super varmega la valo!
Forton inspiru al mia anim'
vi kvazaŭ vespera rosfalo.

eterna_la_negx.txt · Lastaj ŝanĝoj: 21.12.2023 09:34 (ekstera redakto)