For

Esperanta tekstoOskar BREDDERMANN
Tipotraduko
Originala tekstoH. LÖNS
Originala titoloEs steh'n drei Birken

Memoras tri betulojn ĝoje,
Valeri kaj valera;
Sub ili mi restadis foje, juphajdi, hajda;
Dum suna bril kaj merla kant'
Mi dormis kiel mondvagant'.

Ja tri betuloj nin ornamis,
Valeri kaj valera;
Kaj mi knabinon belan amis, juphajdi, hajda;
Tri tagojn ĝojis mia kor',
La bela tempo estas for.

Ĝendarmo ruze nin arestis,
Valeri kaj valera;
Ne helpis, kiom ni protestis, juphajdi, hajda;
En ĉelo estas firma dom';
De l’ am, ne restis eĉ atom'.

Fidelon daŭran ni promesis,
Valeri kaj valera;
Ho nun, amita! ĉio ĉesis, juphajdi, hajda;
Ĉe l’ tribetula rendevu'
Vin karan vidos mi ne plu.

  • for_memoras_tri.txt
  • Lastaj ŝanĝoj: 04.11.2015 14:02
  • (ekstera redakto)