Ili Venos

Kantas Persone, teksto: Martin & Bertilo WENNERGREN; muziko: Martin & Bertilo & Anders

Teksto

Jen matenas, leviĝas la sun'
Bonvenigas min la tristo
Per la trajn' al ĉiama labor'
Min jam tedas la ekzisto

Ho amiko, ĉu samas por vi?

Iras hejmen sola sur strat'
Nur albojas min hundoj
Sur la sojlo salutas silent'
En abismo da sekundoj

Ho amiko, min mankas eĉ plor'

Sed mi scias ke ili venos por mi
Unu belan tagon
Mi ja scias ke ili venos por vi
Porti nin paradizen

Kara frato, mi vokas al vi
Aliflanke de la tero
En la ŝipo de l' glora vojaĝ'
Ĉu vi estos pasaĝero?

Ho amiko, persistu kun mi

Ĉar mi scias…

Jes, mi scias, antaŭ semajn'
Ili devus jam alveni
Certe estis grava kial'
Kaj ni povas plu elteni

Ĉar mi scias…

QR-Kodo
QR-Kodo Ili Venos (generita por kuranta pagxo)
Amikaro

http://www.ikso.net