En la IJK povas okazi ĉio ajn… foje eĉ ĉio samtempe! June kaj Kune, la unua originala muzikalo en Esperanto, sekvas la rakontojn de kelkaj partoprenantoj dum Internacia Junulara Kongreso. Iuj trovos amon, iuj trovos hejmon, kaj iuj trovos neatenditan helpon!

34 junuloj, loĝantaj en 14 landoj kaj 5 mondopartoj, kuniĝas en tiu ĉi unika projekto. En februaro 2022 komenciĝis la reta kunlaborado pri la skripto, kaj ĝis la komenco de la IJK ĉiuj scenoj kaj kantoj estos jam kelkfoje ekzercitaj. Eŭropa subvencio de 24 975 eŭroj ebligas repagi vojaĝkostojn kaj havi profesian ilaron por la muziko, scenejo kaj registrado.

Spertaj kongresvizitantoj rekonos ĉiujn klasikajn elementojn: karavano, trinkomanĝa nokto, komitatkunsido, internacia vespero kaj pli, sed ĉiam kun iu neatendita surprizo. Novuloj multe lernos pri la movado per ĝi: la filmregistraĵo de la muzikalo estos la plej bona varbilo por venontaj kongresoj!

June kaj Kune estos prezentita la 26-an de aŭgusto 2022, ekde la 20:00, dum IJK 2022 en Westelbeers, Nederlando, kaj poste en Retoso.

Laŭ la alvoko por kontribuantoj la jenaj roloj aperas en la muzikalo:

• Organizanto: ĉeforganizanto, sperta aktivulo, perfektema kaj obstina
• Helpanto: alia organizanto, agema kaj helpema
• Prezidanto: TEJO-prezidanto, sperta aktivulo, pasia kaj helpema
• Volontulo: TEJO-volontulo, vojaĝema kaj parolema
• Vaganto: vojaĝema esperantisto sen plano en vivo
• Ĉarmulo: ĉarma kaj parolema
• Timemulo: timema kaj evitema
• Flirtemulo: flirtema kaj rekte komunikanta
• Komencanto: lernanto pri la lingvo kaj movado
• Laboranto: pli serioza kaj okupita kongresano
• Festulo: festema kaj noktema

Ankoraŭ ne estas konate, kiuj kantoj aperos en la muzikalo.

muz

La jenaj personoj ludos en la muzikalo:

• Emerson kiel ‘Simon’, la nelacigebla ĉeforganizanto de la kongreso.
• Klára Ertl kiel ‘Laura’, la ĉiam helpema prezidanto de TEJO.
• Ariel Goodbody kiel ‘Martine’, la parolema trinkejestro.
• Lulu Testudo kiel ‘Mimi’, la klaĉema TEJO-volontulo.
• Siru kiel ‘Sara’, la diligenta akceptejestro.
• Aušrinė Tamošiūnaitė kiel ‘Judit’, la scivola vojaĝanto.
• Benĝi kiel ‘Hektor’, la varmkora ĉarmulo.
• Adam Żyłka kiel ‘Viktor’, la timema frato.
• Ĝoni Gallacher kiel ‘Pedro’, la demandema aktivulo.
• Jogailė Čojūtė kiel ‘Anja’, la agema fratino.
• Hanso Becklin kiel ‘Bogdan’, la sperta veterano.
• Josuo kiel ‘Timo’, la nesperta komencanto.
• Eidmante kiel ‘Kaŝa’, la noktema festulo.
• Rafaŭ Loska kiel ‘Dilan’, la senzorga ludanto.
• Lidia K. kiel ‘Astrid’, la ĵurnalisto de ‘Skandinava Skandalaro’.

• Roĉjo - Kreativa direktoro
• Karlos - Organiza direktoro
• Alex – Reĝisoro
• Benĝi – Vicreĝisoro
• Tobiasz – Gvidanto muziko
• Linda Le Nepveu – Gvidanto kantado
• Siru – Gvidanto kantado
• Agata Cichocka – Ĥoro
• Lucía M. Fernández Barrera – Ĥoro
• Noa – Ĥoro
• Pol – Ĥoro
• Aspirabuf' - Gvidanto dancado
• Goŝka Baczyńska – Dancanto
• Michaela Stegmaier – Dancanto
• Kleman - Gvidanto scenejoj
• Giovanni De Lucia - Sonteĥniko
• Jordi - Filmado
• Guy of Chrisburn - Vicaktoro
• Michael Vrazitulis - Vicaktoro
• Rafaelo Darasz - Vicaktoro
• Imre Keményfi - Vicaktoro
• Lauris Lepoix - Skriptverkanto

• https://www.tejo.org/junekajkunemuzikalo/ Anonco pri la muzikalo
• https://t.me/projektomuzikalo - Babilgrupo en Telegram pri la projekto
• https://docs.google.com/forms/d/e/1FAIpQLSdcB3pbVWydpVSGFrPoDr1h_8ZQWdyvLfcMb3YXH6d0l3sotQ/viewform?usp=sf_link - Kandidatiĝformularo (jam fermita)
• https://www.youtube.com/watch?v=auqRgXXVhw8 - Anonco pri la projekto