Kara Irlando

Esperanta tekstoM. C. BUTLER
Tipotraduko
Originala titoloIreland, Dear Ireland
Originala tekstoP. J. O'REILLY

Teksto

Al kara Irlando mi pense flugas nun.
Irlanda sango naskis min, kaj sub Irlanda sun';
grizmontoj min alvokas kun forta loga tir';
pri vi, smeraldaj valoj, mi revas kun sopir'.

Rekantaĵo:

Patrolando sankta por mi,
trifoliejo ĉemara;
hela, bela tero vi,
Irlando kara!

Ĉe kara Irlando, ĉiela belangul',
muziko loĝas en la kor', kaj rido en okul';
bonvenon ĉiu trovas, amikon en mizer',
kaj amo regas ĉie sur tiu bena ter'.

Rekantaĵo

Ho kara Irlando, la hejmo de la kor'!
en mara mezo brilas vi kun Paradiza glor'.
Kun ĉiu Irlandano fervore preĝas mi,
ke ĉiel kaj por ĉiam Irlandon benu Di'.

Rekantaĵo

QR-Kodo
QR-Kodo Kara Irlando (generita por kuranta pagxo)
Amikaro

http://www.ikso.net