La akvoturno ĉe Regensburg

MuzikoŜvaba popolkanto
E-tekstoZanoni
Origina titoloAls wir jüngst in Regensburg waren

Teksto

Vizitante Regensburgon
Ni transiĝis akvoturnon.
Ankaŭ kelka belulin'
Volis akompani nin.

Refreno:

Ŝvabaj, bavaraj knabinoj, juĥ-hajrasa,
Devas kunveturi.

Dekdujara knabineto
Kunveturis en prameto;
Pro nesci' en am-afer'
Ŝi transiĝis sen danĝer'.

Refreno

De la monto sur ĉevalo
Rajdis kun fier' al valo
Nobelino Kunigund'
Por transir' de l'akva fund'.

Refreno

Ho ŝipisto, mia kara,
Ĉu la akvo blue-klara
Estas plena de danĝer'?
Tuj ĝin diru kun sincer'!

Refreno

Al knabin' kun mirta krono
Ne minacas la malbono;
Sen ĝi — malfeliĉa sort' —
Ŝin atendas tuja mort!

Refreno

En la mezo de la fluo
Niks' alnaĝis jen kun bruo,
Kaptis je la nobelin'
Kaj surfunden tiris ŝin.

Refreno

Se vi ensalutus, vi povus komenti.
  • la_akvoturno_cxe_regensburg.txt
  • Lastaj ŝanĝoj: 04.11.2015 14:00
  • (ekstera redakto)