La lando prapatra

Esperanta tekstoJ. D. APPLEBAUM
Tipotraduko
Originala plenumoHen Wlad fy Nhadau
Originala tekstoA. P. GRAVES

Teksto

Ho, lando de l' patroj tre kara al mi,
la lando de bardoj kaj dolĉmelodi'!
Por vi patrujanoj kun amo en kor'
elverŝis vivsangon en glor'.

Rekantaĵo:

Kimra land', kara vi estas al mi:
dum restos mar'
kaj ondrempar'
mi restos fidela al vi.

Rekantaĵo

Kimrujo! la lando de valo kaj mont',
majestaj krutaĵoj ĝis forhorizont'!
Al kimro fidela aŭdiĝas kantet'
en ĉiu rivera ondet'.

Rekantaĵo

Kaj malgraŭ invado kaj prema sufer'
la lingvo de l' kimroj vivadas sur ter';
neniam silentos poeta la ton'
de l' bardoj, nek harpa la son'.

Rekantaĵo

QR-Kodo
QR-Kodo La lando prapatra (generita por kuranta pagxo)
Amikaro

http://www.ikso.net