La Vojo

Traduko de O.Sonina

La vojo, la vojo,
La vojo, donu vi al mi forgeson
Pri la ofendo en memor',
Kaj pri doloro en la kor',
Kaj pri pasintaj jam por mi karesoj.

La vojo, la vojo
Rapide kuras tage kaj vespere.
Alvenos kien mi laŭ vi?
Kaj eble povas trompi vi,
Kaj povas iu perdi la esperon.

Kaj ie, kaj ie
Aperos sort' subite en stacio,
Etendos manojn l' amatin'
Post trajn' veturiganta min,
Sed povas jam korekti mi nenion.

Sed ĉio malfruis,
Kaj post la trajno preterveturanta
Por amatino restos nur
Amara fum', amara fum'
Kaj steloj en krepusko trembrilantaj.

La vojo, la vojo…

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • la_vojo.txt
  • Lastaj ŝanĝoj: 04.11.2015 14:00
  • (ekstera redakto)